Mesta atvinnuleysi á Suðurnesjum í 30 ár

Atvinnleysi á Suðurnesjum hefur aldrei verið meira frá 1980 eða frá því reglulegar mælingar hófust. Í mars síðastliðnum mældist 14,9% atvinnuleysi á svæðinu. Á síðastliðnum 30 árum mældist mesta atvinnuleysið árið 1994 eða 4,9%. Það þýðir að 344 einstaklingar hafi þá verið atvinnulausir að jafnaði.

Atvinnuleysið jókst gríðarlega eftir Hrun og stenst engan samburð við mesta atvinnleysið um miðjan 10. áratuginn. Á síðasta ári mældist það 12,8% og voru að  jafnaði 1,433 einstaklingar þá atvinnulausir.

Þetta kemur fram í tölum Hagstofunnar um vinnumarkaðinn. Í þeim kemur fram að á árinu 2009 voru 180.900 á vinnumarkaði á landinu öllu. Af þeim voru 167.800 starfandi en 13.100 án vinnu og í atvinnuleit. Atvinnuþátttaka mældist 80,9%, hlutfall starfandi 75,1% og atvinnuleysi var 7,2%. Á árunum 1991 til 2009 hélst atvinnuþátttaka nokkuð stöðug á bilinu 80,7% til 83,6%. Síðan reglulegar mælingar Hagstofunnar hófust árið 1991 hefur hlutfall starfandi aldrei mælst minna og atvinnuleysi meira en árið 2009. Mest atvinnuleysi fram að því var á árunum 1992 til 1995 eða á bilinu 4,3% til 5,3%.

Á árunum 1991 til 2009 var atvinnuþátttaka og hlutfall starfandi mest meðal þeirra sem hafa lokið háskólamenntun en minnst meðal þeirra sem hafa aðeins lokið grunnmenntun. Atvinnuleysi er minnst hjá þeim sem hafa lokið háskólamenntun en mest meðal þeirra sem hafa aðeins lokið grunnmenntun. Meiri sveiflur eru hvað varðar atvinnuþátttöku, hlutfall starfandi og atvinnuleysi hjá aldurshópnum 16–24 ára en öðrum aldurshópum á tímabilinu.

 

Heimild: Víkurfréttir - http://www.vf.is/Frettir/44308/default.aspx

Námskeið í samningatækni

Hraðnámskeið (3 tímar) í samningatækni á vegum Virkjunar og Lögrfræðistofu Suðurnesja á morgun, miðvikudag frá kl 09-12. Kennari Unnar Steinn Bjarndal hdl. Skráning í Virkjun í síma 426-5388. Námskeiðið er frítt og öllum opið

Á námskeiðinu verður fjallað um helstu atriði sem snúa að samningaviðræðum og vandaðri samningagerð. Leitast er við að kennslan sé á praktískum nótum og miðist við raunverulegar aðstæður í viðskiptum hér á landi. Á námskeiðinu verður fjallað um almenn viðhorf til samningatækni og leitast við að draga fram aðalatriði sem snúa sérstaklega að frumkvöðlum og þeim kringumstæðum þar sem samningatækni nýtist þeim í leik og starfi.

Það verður einnig fjallað um mismunandi samningamenn, samskiptamynstur í fyrirtækjum og stofnunum, viðhorf til frumkvöðla, grundvallaratriði í allri samningagerð og fjallað um árangursríkar samningaviðræður þar sem nefnd verða raunhæf dæmi. Kennslan mun einkennast af raunhæfum dæmum. Einnig verður fjallað um aðferðir sem hægt er að beita ef samningaviðræður ganga ekki að óskum. Loks verður fjallað um það hvenær samningaviðræðum sleppir og samningagerð hefst, lykilatriði í allri samningagerð og algeng mistök samningamanna í samningagerð.

Viltu ná meiri árangri á netinu?

Viltu ná meiri árangri á netinu?

Virkjun-virknimiðstöð  í samvinnu við Nordic Emarketing og Útflutningsráð  standa fyrir námskeiði í Markaðssetningu á netinu í húsnæði Virkjunar, Flugvallarbraut 740, Ásbrú, mánudaginn 10. maí. Námskeiðið stendur frá kl 18-22:30.

Nánari upplýsingar og skráning hér   http://www.online.is/namskeid/

Farið verður yfir helstu samskiptaleiðir netsins á hagnýtan hátt með áherslu á hvernig þær geta skapað miklar tekjur.  Markmiðið er að þátttakendur öðlist þekkingu sem nýtist þeim strax í starfi.

Kennslan byggir á bókinni „Markaðssetning á netinu“ en bókin er  innifalin í þátttökugjaldi námskeiðsins. Námskeiðsgjaldið er 18.500 kr.  Hægt er að sækja um styrk fyrir gjaldinu frá stéttarfélgögum og Vinnumálastofnun.

Kennarara á námskeiðinu eru:

Guðmundur Arnar Guðmundsson er hagfræðingur frá Acadia University í Kanada og með MBA gráðu frá Háskóla Íslands.  Hann hefur ritað fjölda greina um viðskipti og markaðsmál í tímarit og blöð á Íslandi og situr nú í stjórn Ímarks, félags markaðsfólks á Íslandi.  Hann hóf störf við markaðsmál hjá 365 en flutti til Englands 2006 og starfaði þar sem markaðsstjóri breska sölusvæðis Icelandair.

Kristján Már Hauksson hefur komið víða við hann lærði rafeindarvirkjun í Iðnskólanum í Reykjavík, kerfisfræði við Tölvu og verkfræðiskólann og er með internet markaðsfræðigráðu frá University of British Columbia. Hann stofnaði Nordic eMarketing og starfar nú þar sem sviðstjóri net markaðssetningar.  Þar sérhæfir hann sig í  leitarvélamarkaðssetningu og net-almannatengslum

 

Allar nánari upplýsingar hjá Virkjun í símar 426-5388 og  Gunnar Halldór verkefnastjóra Virkjunar í síma 773-3310

Dagskráin:

• Netið, breytingar og tækifæri –  staðan í dag
• Vefborðar
• Leitarvélar (Náttúrulegar niðurstöður)
• Leitarvélar (Greiddar niðurstöður)
• Vefgreiningartól
• Samfélagsmiðlar
• Tölvupóstar
• Sala í gegnum netið

Hvað ert þú með á prjónunum?

Prjónahittingur alla þriðjudaga og fimmtudaga

frá kl. 10-12. Allir velkomnir!

Harpa Jóhannsdóttir er á staðnum og getur leiðbeint þeim sem þurfa hjálp.

Hverjar eru kröfur fólks í tilefni dagsins?

 Virkjun óskar öllum launþegum til hamingju með dag verkalýðsins sem er á morgun, 1. maí. Baráttukveðjur í tilefni dagsins!

 

 

Dagskráin í næstu viku

Dagskrá Virkjunar fyrir vikuna 3.-9. maí 2010.

 

Skrár tengdar þessari bloggfærslu:

• Dagskrá Virkjunar vikuna 3. - 9. maí

Billiard í Virkjun

Það eru allir velkomnir í billiard á fimmtudögum frá kl. 13-14:30 og á föstudögum frá 10-12. Topp aðstaða með sex glænýjum billiardborðum!

 

Heitt á könnunni!

Fundur með frambjóðendum Sjálfstæðisflokksins í Virkjun miðvikudaginn 28. apríl nk. kl. 14:00 til 15:30

Fundur með frambjóðendum Sjálfstæðisflokksins í Virkjun miðvikudaginn 28. apríl nk. kl. 14:00 til 15:30

 

Við hlustum á þig!  Framtíðarsýn fyrir Reykjanesbæ, fundur með frambjóðendum Sjálfstæðisflokksins í Reykjanesbæ.

 

Taktu þátt í að móta stefnu okkar til frambúðar.

 

Allir velkomnir – vöfflur og heitt á könnunni!

 

Sjálfstæðisflokkurinn í Reykjanesbæ

Dagskrá Virkjunar vikuna 26. apríl - 2. maí

Hér er dagskrá vikunnar í Virkjun.

Skrár tengdar þessari bloggfærslu:

• Dagskrá Virkjunar 26. apríl - 2. maí

Óli Haukur Mýrdal ljósmyndari verður með fyrirlestur í ljósmyndaklúbbi Virkjunar á morgun, þriðjudag, 27. apríl.kl 14:00

Óli Haukur Mýrdal ljósmyndari verður með fyrirlestur í ljósmyndaklúbbi Virkjunar á morgun, þriðjudag, 27. apríl.kl 14:00

Það vakti athygli þegar Keflvíski ljósmyndarinn Óli Haukur Mýrdal átti magnaða mynd af eldgosinu í Eyjafjallajökli á vef breska ríkisútvarpsins, BBC. Myndin er af eldingum í öskustróknum sem leggur upp frá eldstöðinni og var tekin um nótt.

Áhugi Óla á ljósmyndun byrjaði fyrir alvöru árið 2006 og hefur hann náð ótrúlegum árangri síðan. Hann hefur náð að skapa sér verkefni í gegnum þennan áhuga á ljósmyndun.

  Óli Haukur hefur farið þrjár ferðir að gosinu. Tvær þeirra voru að gosinu á Fimmvörðuhálsi og svo einu sinni í nágrenni gossins á jöklinum sjálfum. Í samtali við Víkurfréttir sagðist Óli hafa sent nokkrar myndir til erlendra fjölmiðla og BBC hafi svarað um hæl og m.a. birt umtalaða myndir.

Óli Haukur verður með fyrirlestur á morgun í Virkjun klukkan 14:00 og hvetjum við alla áhugasama ljósmyndara að koma og fræðast um hver galdurinn sé við að taka mynd sem erlendir fjölmiðlar eru tilbúnir til í að birta í sínum miðlum.