Vöfflukaffi í dag kl. 10:30

Allir hjartanlega velkomnir í vöfflukaffi í dag kl.10:30.

Minnum líka á prjónahópinn sem verður hér frá kl.10:00-12:00, endilega kíkja á okkur og eiga góða stund.

FRÍTT AÐGANGSKORT Í SUND

Þeir sem eru skráðir á atvinnuleysisbætur geta fengið frítt aðgangskort í sund í Reykjanesbæ, Sandgerði, Garði og Vogum.

Aðgangskortið gildir í mánuð í senn og er einungis gefið út í Virkjun.

Nánari upplýsingar í síma: 426-5388 

Kynningarfundir vegna UFTA og ÞOR átaksins verða í Virkjun alla næstu viku

Kynningarfundir í tengslum við átakið Ungt fólk til athafna hér á Suðurnesjum verða haldnir í Virkjun (stóra fundarsalnum) mánudaginn 23. ágúst (kl. 10:00 og 13:00) og þriðjudaginn 24. ágúst (kl. 10:00 og 13:00) . Reiknað er með því að hver og einn fundur standi yfir í ca 1,5 klst

Kynningarfundir í tengslum við átakið ÞOR – þekking og reynsla (fyrir 30 ára og eldri) hér á Suðurnesjum verða haldnir í Virkjun (stóra fundarsalnum), Flugvallarbraut 740, miðvikudaginn 25. ágúst (kl. 10:00 og 13:00) og fimmtudaginn 26. ágúst (kl. 10:00 og 13:00) . Alls eru þetta fjórir fundir og reiknað er með að hver og einn fundur standi yfir í 1 – 11/2 klst.

Fyrsta Vöfflukaffi í Virkjun eftir sumarfrí.

Á morgun fimmtudag verður fyrsta Vöfflukaffi Virkjunar eftir sumarfrí. Allir að sjálfsögðu hjartanlega velkomnir. Vöfflukaffið byrjar kl 10:30. Prjónahópurinn er að sjálfsögðu einnig á morgun frá 10:00 til 12:00.  Við hvetjum alla til að taka þátt í þessum frábæra hóp sem Harpa stjórnar af myndarskap. Það er auðvitað hægt að gera margt fleirra en að prjóna í Virkjun mannauðs á Reykjanesi. 

Fyrsta námskeið á vegum VMST á Suðurnesjum eftir sumarfrí í Virkjun

Breytingar – Tækifæri - Markmið –kennari: Jón B. Bjarnason
Hlutverk BTM er að hjálpa fólki að skoða stöðu sína í lífinu og aðstoða það við að takast á við þær breytingar sem óhjákvæmilegar verða á vegi hvers manns á lífsleiðinni.
Þátttakendur læra að tileinka sér einföld „verkfæri“ til að setja sér raunhæf og framkvæmanleg markmið til að bæta líf sitt og efla hag sinn.
Námskeiðið hefst n.k. mánudag klukkan 09:00
Áhugasamir hafi samband í síma síma : 421-8400

Handavinna, prjónahittingur

Á fimmtudaginn n.k. kl 10:00 byrjum við aftur á prjónahitting. Langar þig að fá aðstoð við að koma þér af stað í að hekla, prjóna og fl. Harpa verður á staðnum og aðstoðar fólk við að koma sér af stað ef með þarf. Prjónahittingur alla þriðjudaga og fimmtudaga milli kl. 10-12 í Virkjun. Opið öllum sem vilja hittast, spjalla, prjóna og hafa gaman sér að kostnaðarlausu. ALLIR VELKOMNIR

Umsjónarmaður í Virkjun

Virkjun óskar eftir umsjónarmanni í fimm mánuði. Starfið felst í daglegri umsýslu í Virkjun, þjónusta, afgreiðsla, leiðbeiningar, tölvukunnátta, uppáhellingar, þrif og frágang. Viðkomandi þarf að hafa góða hæfni í mannlegum samskiptum og einnig gæta fylsta trúnaðar gagnvart persónuupplýsingum. Vinnutími er frá 08:00 til 16:00 virka daga. Starfsþjálfunarsamningur. Aðeins óskað eftir þeim sem nú þegar eru á atvinnuleysisskrá. Nánari upplýsingar í síma 773-3310 og starfsferilsskrár sendist á [e-mail]

Sumarlokun Virkjunar í júlí

Virkjun fer í sumarfrí á morgun. Lokað verður í júlímánuði en opnað aftur eftir verslunarmannahelgi í ágúst. Við þökkum öllum fyir góða viðkynningu í vetur og vonandi koma allir til með að eiga gott sumarfrí. Við komum síðan endurnærð í ágúst til að taka þátt í þeim námskeiðum og klúbbastarfsemi sem verður boðið upp á í Virkjun í haust.

Sólarkveðja

Gunnar Halldór og Ásta María

Vinsamlegast hjálpið okkur til að við getum aðstoðað ykkur.

Okkur þætti vænt um ef þið vilduð hjálpa okkur að bæta þjónustu Virkjunar, með því að senda okkur ykkar skoðun á því hvað þarf að vera til staðar svo atvinnuleitendur og frumkvöðlar sæki í meira mæli þjónustu Virkjunar virknimiðstöðvar.

Endilega segið okkur hvað þið hafið mestan áhuga á og hvað þið viljið að Virkjun bjóði upp á haustönn. Allar hugmyndir vel þegnar og möguleikarnir óþrjótandi. Nú er um að gera að hugleiða og senda okkar allar þær tillögur sem koma upp í hugann. Hvort það sé nú klúbbastarfsemi, fyrirlestrar, námskeið eða eitthvað allt annað. Vinsamlegast sendið tillögur á  [e-mail]

Með fyrirfram þökk, Gunnar Halldór og Ásta María

Hæ hó jibbí jei, það er kominn 17. júní

Virkjun óskar öllum Íslendingum nær og fjær gleðilegrar þjóðhátíðar.

 

 

 

 

 

 

 

 

Við erum með lokað á þessum hátíðisdegi en opnum aftur kl. 09:00 á föstudagsmorgun.