Vinir í Velgengni á morgun þriðjudag kl 13:30

Vinir í velgengni byrja aftur eftir sumarfrí á morgun þrigðjudag kl 13:30. Nú er tækifæri fyrir gamla og nýja vini í velgengni að mæta og ræða málin. Mottó hópsins er að "Allt er mögulegt"
Allir eiga innra með sér auðlindir sem geta skapað okkur ríkidæmi en suma vantar jafnvel bara smá hjálp við að þekkja og nýta þær. Hvort sem þú óskar þér aukinnar menntunnar, þróa áhugamál, nýta betur reynslu eða bara velta upp heimspekilegum hugmyndum um lífið þá ert þú þín eigin auðlind.
Allir sem óska betri líðan og vilja taka þátt í skemmtilegasta og öflugasta nýsköpunarverkefni ársins er boðið á fund í Virkjun næstkomandi þriðjudag 13. september kl 13:30
Með kærri kveðju
Haukur Hilmarsson og Bjarni Stefánsson
Sjálfboðaliðar í Virkjun

Ókeypis prjónanámskeið á mánudögum kl 10:00, fyrsta skipti mánudaginn 12. september.

Prjónanámskeið fyrir byrjendur sem og lengra komna. Nú er tækifærið fyrir alla þá sem einhverntíma hafa dreymt um að geta prjónað hvað sem er. Harpa Jóhannsdóttir kemur til með að leiðbeina þeim sem þurfa hjálp og Kristín Ottósdóttir nýr sjálfboðaliði verður okkur innan handar einnig í að leiðbeina. Þeir sem eiga hvorki garn eða prjóna geta fengið það hjá okkur. Þannig að nú er engin fyrirstaða að láta draum sinn rætast að prjóna sokka, peysu eða hvað sem hugurinn girnist.

Allir velkomnir!

Vinsamlegast skráið ykkur með því að senda okkur skilaboð á facebook, senda email á: [e-mail], eða hringja í síma: 426-5388. Prjónakveðjur .

Ljósanótt 2011

Virkjun óskar öllum gleðilega Ljósanótt og vonar að allir skemmti sér vel, enda ekki annað hægt þar sem dagskrá helgarinnar er þéttskipuð og skemmtileg og ættu allir að finna eitthvað við sitt hæfi. Dagskrána er að finna hér:

Dagskrá Ljósanætur

 

Ókeypis tölvukennsla byrjar mánudaginn 5. september

Nú erum við að byrja aftur með tölvukennslu og verður hún á Mánudögum kl.14:00-15:45. í haust, frá 5. september til 10. október. Kennari og sjálfboðaliði er Ragnar Sigurðsson. Hann hefur mikla reynslu í öllu sem tengist tölvum. Gott tækifæri fyrir þá sem kunna lítið á tölvur en hafa áhuga á að læra og einnig þá sem vilja skerpa á því sem þeir þó kunna.

Endilega látið okkur vita ef þið hafið áhuga með því að senda okkur skilaboð á facebook, senda email á: [e-mail], eða hringja í síma: 426-5388

Kveðja

Virkjun

Gítarnámskeið í Virkjun mannauðs á Reykjanesi

Mánudaginn 5.september kl.13:00 byrjar ókeypis gítarnámskeiðið sem Bjarni Stefánsson sjálfboðaliði í Virkjun stýrir. Bjarni hefur séð um þetta námskeið af miklum myndarbrag. Nemendur þurfa helst sjálfir að koma með gítar. Takmarkaður fjöldi er á námskeiðið og biðjum við því áhugasama um að skrá sig með því að senda okkur póst á: [e-mail], hringja í síma: 426-5388 eða senda okkur skilaboð á facebook.

Kveðja

Virkjun

Útskurðarnámskeið í Virkjun

Ókeypis útskurðarnámskeið í Virkjun á mánudögum og miðvikudögum kl 13:00 í haust. Þeir sem hafa áhuga á því að byrja að skera út geta skráð sig á útskurðarnámskeið hjá Virkjun. Kennari er Jón Arason sjálfboðaliði í Virkjun. Verkfæri og spýtur til staðar. Vinsamlegast athugið að takmarkaður fjöldi er á hvert námskeið, en við skráum alla á biðlista þannig að sem flestir getir lært útskurð.

Námskeiðið er ókeypis og það eina sem þarf að koma með er góða skapið.

Endilega látið okkur vita hvort þið ætlið að mæta með því að senda okkur e-mail á [e-mail], hringja í síma: 426-5388 eða senda okkur skilaboð á facebook.

Fyrsta Vöfflukaffi eftir sumarfrí á morgun, fimmtudag klukkan 10:30. Allir velkomnir

Á morgun fimmtudag verður fyrsta Vöfflukaffi Virkjunar eftir sumarfrí. Allir að sjálfsögðu hjartanlega velkomnir. Vöfflukaffið byrjar kl 10:30. Prjónahópurinn er að sjálfsögðu einnig á morgun frá 10:00 til 12:00.  Við hvetjum alla til að taka þátt og koma og skrá sig í hópa og vera með í frábæru hópastarfi. Það er auðvitað hægt að gera margt fleirra en að prjóna í Virkjun mannauðs á Reykjanesi ;). 

Ferilskrá, félagsvinir og sjálfboðaliðar í Virkjun

Virkjun mannauðs á Reykjanesi ætlar að bjóða þér að koma og fá ókeypis aðstoð við gerð ferilskrá einnig verður kynning á félagsvina og sjálfboðaliða verkefninu hér í Virkjun. Kynningin og aðstoðin fer fram á miðvikudögum og fimmtudögum í þessari viku og þeirri næstu frá kl. 10:00-16:00. 17, 18, 24 og 25 ágúst. 

Ókeypis aðstoð við gerð ferilskrár í Virkjun

Í þjóðfélagi nútímans er oftast nær gerð krafa til einstaklinga sem sækja um vinnu að þeir sendi inn ferilskrá. Til þess að koma til móts við þá sem þurfa aðstoð við gerð ferilskrár hefur Rauði krossinn í samstarfi við Virkjun ákveðið að bjóða upp á einstaklingsaðstoð í gerð ferilskrár í húsnæði Virkjunar. Aðstoðin er ókeypis og fer fram á miðvikudögum og fimmtudögum út ágúst frá kl. 10:00-16:00. Fyrsta skipti 17. og 18. ágúst. Þú, atvinnuleitandi góður, kemur í Virkjun með helstu upplýsingar um starfsreynslu þína, menntun og þau námskeið sem þú hefur sótt. Á staðnum fer fram myndataka fyrir ferilskrána og upplýsingarnar verða settar upp á vandaðan og snyrtilegan hátt. Tilvalið er að nýta sér þessa aðstoð og í leiðinni að kynnast starfssemi Virkjunar og fá upplýsingar um þau úrræði sem Rauði krossinn og Virkjun  mannauðs á Reykjanesi býður atvinnuleitendum í vetur.

Félagsvinir og sjálfboðaliðar í Virkjun. Þeir atvinnuleitendur sem hafa áhuga á því að styrkja sig enn frekar gefst kostur á að taka þátt í verkefninu Félagsvinir atvinnuleitenda sem fer af stað í byrjun september. Markmið verkefnisins er að vinna gegn niðurbroti þeirra sem misst hafa vinnu, stækka tengslanet og auka möguleika til starfa. Lögð er áhersla á að auka bæði félagslega virkni þátttakenda og aðgengi þeirra að upplýsingum um þau úrræði sem eru í boði fyrir atvinnuleitendur. Virkni á meðan á atvinnuleit stendur eykur sjálfstraust og vellíðan sem gerir það að verkum að fólk er tilbúið að mæta til starfa þegar kallið kemur.

Nánari upplýsingar er hægt að nálgast í Virkjun að Flugvallarbraut 740 í síma 777-4177 og [e-mail] eða hjá Guðmundi I. Jónssyni verkefnisstjóra hjá Rauða krossinum með því að senda póst á netfangið [e-mail] eða hringja í síma 420-4706.Að hika er sama og að tapa, segir máltækið – hafir þú áhuga á að nýta þér þessi úrræði skaltu bregðast strax við. Brosandi starfsfólk og ilmandi kaffi tekur á móti þér!

Sjáumst, Gunnar Halldór GunnarssonVerkefnisstjóriVirkjunFlugvallabraut 740, 235 ReykjanesbærSími: 4265388 / GSM: 777-4177Netfang: [e-mail]

Virkjun opnar aftur eftir sumarfrí.

Virkjun vaknar aftur til lífsins eftir gott sumarfrí. Hér verður opið eins og vanalega alla virka daga vikunnar frá klukkan 08:00 til 16:00. Ávallt heitt á könnunni og allir hjartanlega velkomnir. Það eru heilmikil plön varðandi dagskrá haustsins sem kemur í ljós þegar nær dregur. Við ætlum að hefja formlega dagskrá í næstu viku.
Kær kveðja
Gunnar Halldór
Virkjunarstjóri

Virkjun fer í sumarfrí

Frá og með deginum í dag mun Virkjun fara í sumarfrí.
Við þökkum öllum fyrir góða viðkynningu í vetur og vonandi koma allir til með að eiga gott sumarfrí. Sérstaklega þakka ég öllum sjálfboðaliðunum sem bjuggu til starfsemi Virkjunar og urðu þess valdandi að Virkjun mannauðs á Reykjanesi var þetta öflug í vetur.
Við komum síðan endurnærð í ágúst til að taka þátt í þeim námskeiðum og klúbbastarfsemi sem verður boðið uppá í Virkjun í haust
Sólarkveðja Gunnar Halldór, Virkjunarstjóri.