Kynning á ADHD markþjálfun í Virkjun. Allir velkomnir.

Fimmtudaginn 2. febrúar 2012 kl. 10:30 í Virkjun

Hefurðu verið greind með ADHD? Áttu erfitt með að halda athygli? Finnst þér erfitt að skipuleggja þig? Finnst þér þú skera þig úr hópnum? Ertu hvatvís? 

Ef þú kannast við þetta þá gæti ADHD markþjálfun hjálpað þér að ná tökum á einkennunum.  Einkennin eru einstaklingsbundin og oftar en ekki kennd við það sem við köllum í daglegu tali „gallar“ sem við þurfum að losa okkur við.  En það þarf ekki endilega að vera málið.   Mig langar að bjóða þér á kynningu um ADHD markþjálfun fyrir konur 18 ára og eldri.  Það er ekki skilyrði að vera með ADHD greiningu, það er nóg að kannast við ofangreind einkenni.

Ég  heiti Kristjana B Svansdóttir og hef lokið námi í ADHD markþjálfun í ADD Coach Academy í New York.  Markþjálfun er orðin vel þekkt í Bandaríkjunum og er að skjóta rótum hérna á Íslandi.   ADHD markþálfun snýst um að fræðast um einkennin og hvernig hægt að sjá þau sem styrkleikar en ekki gallar.  ADHD markþjálfun snýst um að setja sér markmið, stór og smá og skoða í framhaldi af því hvernig má ná þeim.  ADHD markþjálfun snýst um að skoða námsleiðir hvers og eins og hvernig einstaklingurinn vinnur úr umhverfinu og getur nýtt sér það til að halda athygli.Þetta er spennandi sjálfskoðun og getur hjálpað þér að ná fram því besta í sjálfum þér.

Mig vantar þína aðstoð við að stofna rýnihóp, en það er hópur sem tekur þátt í hópmarkþjálfun og fær það hlutverk að gagnrýna störf markþjálfans og meta hvað mætti fara betur og hvað er að virka.  Mig vantar 6-8 manns í hóp.  Hópurinn hittist í 6 skipti þar sem hópmarkþjálfunin fer fram en 2 skipti fara í að vinna úr og gagnrýna.  Þannig að það yrðu 8 skipti sem þú þarft að mæta. 

Rýnihópurinn er þér að kostnaðarlausu.